aap kya likhna chahtey hain ?

Pehla - "baazar ka kya imaan? hua hua, na hua na hua. is udher bun mein dimag lagane wale apne ko samajh na aatey. hisab tab tak karna chahiye, jab tak munaafa apne galley mein aawey, bahar gaya toh sab banta dhar, bekaar. haan baaz aukaat nuksaan bhi faidey ka ho jaya karey hai. kab, kahan aur kaise, iska koi jawab na hai. baazar ka kya imaan? hua hua, na hua na hua. "

-

Second - "form follows function. its not my own line, heard it somewhere. also heard a smart analogy. if a lion is chasing you and me, i'd rather outrun you than the lion. it sure is a treat to watch super performers perform, they simply create forms. how they do that is anyones guess. form follows function. its not my own line, heard it somewhere.

-

Teeja -

woh kabhi kahen ki yeh tum likho

woh kabhi kahen ki yeh hum likhen

-

kahen hum unhey ki bus tum likho

kahen hum unhey nahin hum likhen

-

kabhi hum kahen, kabhi tum kaho

kabhi hum likhen, kabhi tum likho

kya sabr, kya shukr

kya ho anjaam nahin socha hai
accha nahin, na sahi
umeed ki ik kiran toh hoti hai

-

sabr ki inteha bhi hoti hai

meetha nahin, na sahi

phal ki aarzu toh hoti hai

-

kya thi umeed kya yeh paya hai

khwab nahin, na sahi

khwahish phir bhi bulund hoti hai

-

shukr bhi toh adda hi karna hai

kiya nahin, na sahi

dil mein ik khalish toh hoti hai

saalgirah

kyoun na tum par nisaar jaan karun

jan.pe nahin to kis. pe nisaar jaan karun

-

ho chala waqt yahan par ab humara poora

jaatey jaatey salaam kis ko karun

-

phir kabhi lenge hisaab, sochenge

faisla is ghadi main kaise karun

-

mehfil-e shauq mein gar meh ho humari humdum

jaam-e aakhir, aakhri jaam kaise karun

-

woh jo apne they kabhi, aaj sab pareshan hain

kis se boloon, kise rokoon, dua main kiski karun

-

ab toh lagta hai 'zafar' ek tum hi kaafir ho

namaz-e-shukr, be-imaan, ada kaise karun